គ្រូ​Real ឆ្លើយតប​នឹង​ការ​រិះ​គន់​ពី​សំណាក់​បណ្ដា​សារព័ត៌មាន​មក​លើ​ការ​ដឹក​នាំ​របស់​រូប​លោក

នៅ​ក្នុង​សន្និសីទ​មុន​ការ​ប្រកួត​ទល់​នឹង​ក្លឹប​ Alaves នៅ​ក្នុង​លីគ​កំពូល​អេស្ប៉ាញ​ លោក​Julen Lopetegui បាន​និយាយ​ត្រង់​ៗ​ថា​ រូប​លោក​មិន​បាន​ព្រួយ​មិន​បាន​ខ្វល់​ពី​អ្វី​ដែល​ក្រុម​សារព័ត៌មាន​និយាយ​ពី​លោក​ទេ​ ដោយ​ហេតុ​ថា​លោក​គិត​គូ​តែ​ពី​ប្រកួត​នៅ​ចុង​សប្ដាហ៍​នេះ​ប៉ុណ្ណោះ​។

អ្នក​ចាត់ការ​ក្លឹប​អធិរាជ​ស​បាន​លើក​ឡើង​ថា​៖ " យើង​ដឹង​ថា​បញ្ហា​នឹង​កើត​ឡើង​ចំពោះ​យើង​ហើយ​យើង​ត្រូវ​តែ​ជម្នះ​វា​។ យើង​ត្រូវ​តែ​ផ្ដោត​លើ​អ្វី​ដែល​វិជ្ជមាន​។ គ្រប់​គ្នា​រំពឹង​ខ្ពស់​ពេក​ពី​យើង " ។

លោក​ Lopetegui បាន​បន្ត​ថា​៖ " យើង​មាន​ពិន្ទុ​ស្មើ​គ្នា​នឹង​ក្រុម​កំពូល​តារាង​នៅ​ La Liga ចំណែក​ឯ​នៅ​UCL វិញ​យើង​ដឹង​ថា​យើង​នឹង​ត្រូវ​បន្ត​តាម​ផ្លូវ​ចាស់​របស់​យើង​។ ការ​ដែល​ចាញ់​ CSKA Moscow គឺ​ជា​សំណាង​អាក្រក់​របស់​យើង​ " ។

៣ប្រកួត​ចុង​ក្រោយ​នេះ​ ក្លឹប​ Real Madrid ជួប​លទ្ធផល​មិន​ល្អ​ដោយ​ស្មើ១ និង​ចាញ់​២ ហើយ​នៅ​សៅរ៍​ស្អែក​នេះ​ ក្រុម​អធិរាជ​ស​នឹង​ប្រកួត​ប៉ះ​នឹង​ក្រុម​ម្ចាស់​ផ្ទះ Deportivo Alaves៕

ប្រភព៖ Marca   ប្រែ​សម្រួល៖ ហ៊ីម រស្មី