Man Utd, Spurs, Juventus, Inter នឹង​មក​លេង​ពាន​ ICC នៅ​សិង្ហបុរី

Juventus, Tottenham Hotspur, Inter Milan និង Manchester United នឹង​មក​លេង​ពាន​មិត្តភាព​ត្រៀម​បើក​រដូវ​កាល​ថ្មី International Champions Cup (ICC) នៅ​ប្រទេស​សិង្ហបុរី។ នេះ​បើ​តាម​ការ​ប្រកាស​របស់​អ្នក​រៀបចំ​នៅ​ថ្ងៃ​នេះ។២​ប្រកួត​​នឹង​ត្រូវ​លេង​នៅ​កីឡដ្ឋាន  National Stadium ដោយ​បិសាច​ក្រហម Man Utd ត្រូវ​ប៉ះ Inter Milan នៅ​ថ្ងៃ​ទី ២០ ខែ មិថុនា ឆ្នាំ ២០១៩ ហើយ Juventus ជួប​ជាមួយ Spurs នៅ​ថ្ងៃ​ទី ២១ ខែ មិថុនា ឆ្នាំ ២០១៩។ យ៉ាងណាមិញ អ្នក​រៀបចំ​មិន​បាន​បញ្ជាក់​ថា ក្រុម​ទាំង​អស់​នឹង​នាំ​យក​កីឡាករ​ល្បី​ៗ​របស់​ខ្លួន​មក​ទាំង​អស់​​មក​កាន់​សិង្ហបុរី​នោះ​ទេ។

Cristiano Ronaldo ពី​ក្លឹប Juventus, Harry Kane និង Son Heung-min របស់ Spurs, Radja Nainggolan ពី Inter និង Paul Pogba របស់ Manchester United សុទ្ធ​តែ​ជា​កីឡាករ​ដែល​អ្នក​គាំទ្រ​ចង់​ឲ្យ​មក​ប្រកួត​នៅ​សិង្ហបុរី៕
ប្រែ​សម្រួលSabay News