Bale និង Benzema បន្ត​ស៊ុតចូលឲ្យ Real ខណៈ Courtois បង្ហាញខ្លួន​លើកដំបូង

Karim Benzema និង Gareth Bale បានបន្ស៊ុតបាល់បញ្ចូលទី ចាប់តាំងពីការចាកចេញរបស់ Cristiano Ronaldo ខណៈ Real Madrid បានផ្តួល Leganes នៅ La Liga ៤ទល់នឹង១ ថ្ងៃសៅរ៍ ទី០១ កញ្ញា ។ 

Bale បានស៊ុតបញ្ចូលទី៧​ប្រកួតជាប់ៗគ្នារបស់គេ​នៅ​ La Liga។

Guido Carrillo បានរកគ្រាប់បាល់បញ្ចូលទីដោយការទាត់ប៉េណាល់ទីតាមស្មើ ប៉ុន្តែ Benzema បានតែត​នាំមុខជាថ្មី ដោយ​មាន​ការពិនិត្យ​ពី​វីដេអូជំនួយការអាជ្ញាកណ្តាល។ បន្ទាប់មកខ្សែប្រយុទ្ធបារាំងដដែល​បានស៊ុតបាល់បញ្ចូលទីយ៉ាងល្អ និង  ជាគ្រាប់ទី៤របស់គេក្នុងចំណោម​២ប្រកួត មុនពេល Sergio Ramos បានបន្ថែមបាល់ពិន័យ១១ម៉ែត្រមួយគ្រាប់ទៀត។ បច្ចុប្បន្ន Benzema រកបាន៥គ្រាប់ក្នុង៤ប្រកួតនៅរដូវកាលនេះ ហើយ Bale រកបាន ៣គ្រាប់។ នៅខណៈនេះផងដែរ Ronaldo មិនទាន់រកគ្រាប់បាល់បញ្ចូលទីដំបូងរបស់គេសម្រាប់ Juventus នៅឡើយ ទោះបីជា Juventus បានឈ្នះទាំង៣ប្រកួត៕ ប្រភព ៖ keiladaily