Guangzhou នឹង​ឲ្យ Barca ៥០​លាន​អឺរ៉ូ ដើម្បី​ទិញ​ផ្ដាច់ Paulinho

Barcelona នឹង​ទទួល​បាន​​ប្រាក់​៥០​លាន​អឺរ៉ួ​នៅ​ខែ​ មករា ឆ្នាំ ២០១៩​ខាង​មុខ ដោយ​ក្លឹប​ចិន Guangzhou Evergrande ​សម្រេច​ចិត្ត​ចង់​ទិញ Paulinho ផ្ដាច់។

ក្នុង​រដូវ​កា​នេះ​កីឡាករ​សញ្ជាតិ​ប្រេស៊ីល ត្រូវ​បាន​ក្លឹប Guangzhou ខ្ចី​ជើង​ពី Barca ហើយ​ក្នុង​នោះ​ក៏​មាន​​លក្ខខ័ណ្ឌ​ទិញ​ផ្ដាច់​ផង​ដែរ ប្រសិន​ក្លឹប​ចិន​ខាង​លើ​ចង់​ឲ្យ Paulinho វិល​ត្រលប់​ជា​អចិន្ត្រៃយ៍​នៅ Chinese Super League។

ហេតុផល​ដែល Guangzhou សម្រេច​ខ្ចី​ជើង​​​​មិន​ទាន់​ទិញ​ភ្លាម​ៗ ព្រោះ​ពួក​គេ​មិន​ចង់​ល្មើ​នឹង​ច្បាប់​បាល់ទាត់​ក្នុង​ប្រទេស​ចិន​ដោយ​មិន​អាច​ចំណាយ​ច្រើន​ក្នុង​ការ​​ដោះដូរ​កីឡាករ​​នៅ​រដូវ​កាល​តែ​មួយ។ ​​Guangzhou នឹង​សង្ឃឹម​ថា Paulinho ព្រម​ចុះ​កុងត្រា​​លេង​បន្ត​ទៀត។ជម្រើស​ជាតិ​ប្រេស៊ីល​ដែល​បង្ហាញ​ខ្លួន​ក្នុង​ព្រឹត្តិការណ៍ World Cup ២០១៨ បាន​មក​លេង​នៅ Barca ១​រដូវ​កាល ក្រោយ​ផ្ទេរ​ពី Guangzhou Evergrande នេះ​ឯងកាល​ពី​រដូវ​កាល​មុន​។ Chinese Super League នឹង​បញ្ចប់​រដូវ​កាល​របស់​ខ្លួន​នៅ​ខែ វិច្ឆិកា ខាង​មុខ​នេះ៕ប្រភព៖Sabay News Sport