Roberto Mancini៖​ ព័រ​ទុយ​ហ្គា​ល់​នៅតែខ្លាំង ​បើ​ទោះ​គ្មាន​វត្តមាន​របស់ Cristiano Ronaldo

បាល់ទាត់៖ ​គ្រូ​បង្វឹក​នៃ​ក្រុម​ជម្រើស​ជាតិ​អ៊ីតាលី​លោក Roberto Mancini បាន​ថ្លែង​កាលពី​ថ្ងៃ​អាទិត្យ​ ក្នុង​សន្និសីទ​មុន​ការប្រកួត​ពាន UEFA Nations League ថា ​ជម្រើស​ជាតិ​ព័រ​ទុយ​ហ្គា​ល់​នៅតែ​ខ្លាំង បើ​ទោះ​ជា​មិន​មាន​វត្តមាន​របស់​កីឡាករ​ឆ្នើម Cristiano Ronaldo ក៏ដោយ​។ការ​ថ្លែង​បែបនេះ​ធ្វើឡើង​នៅ​ក្នុង​កីឡដ្ឋាន Estadio da Luz នាទី​ក្រុង Lisbon សន្និសីទ​មុន​ការ​ប្រកួត​រាត្រី​នេះ​ជាមួយ​ម្ចាស់ផ្ទះ​ព័រ​ទុយ​ហ្គា​ល់ ក្រោយ​ប្រកួត​ស្មើគ្នា​ជាមួយ​ប៉ូឡូញ​កាល ៣​ថ្ងៃមុន​។​ ​Roberto Mancini ដែល​ជា​អតីត​អ្នកចាត់ការ​ក្លឹប Manchester City បាន​បន្ត​ថា Ronaldo វ័យ ៣៣​ឆ្នាំ​ចាស់​បន្តិច​តែ​ខ្លាំង​គួរ​ឲ្យ​មាន​ក្តី​បារម្ភ ហើយ​ព័រ​ទុយ​ហ្គា​ល់​ជា​ក្រុម​គ្រោះថ្នាក់​មួយ​នៅ​ទ្វីប​អឺរ៉ុប​នេះ ខណៈ​មិន​មាន​ឈ្មោះ​ឡើង​ក្នុង​ការ​ប្រកួត​កន្លងទៅ​ជាមួយ​ក្រូ​អាស៊ី ស្រប​ពេល​ដែល​រាត្រី​ថ្ងៃ​ចន្ទ​នេះ​ក៏​នៅតែ​មិន​មាន​ឈ្មោះ​ដដែល ក្រោយ​យល់ព្រម​អនុញ្ញាត​ពី​គ្រូ​បង្វឹក​បច្ចុប្បន្ន Fernando Santos​។
​
​​គួរ​បញ្ជាក់​ថា​ លោក Roberto Mancini វ័យ ៥២​ឆ្នាំ​ដែល​មក​ដឹកនាំ​ក្រុម​ជម្រើស​ជាតិ​អ៊ីតាលី​ នៅ​ដើម​ឆ្នាំ​នេះ​កំពុងតែ​ជួសជុល​ស្ថានភាព​ដ៏​អាក្រក់ ​ពី​អតីត​កាល​ដែល​ជម្រើស​ជាតិ​អ៊ីតាលី​ខ្ទាត​ចេញពី​ការ​ប្រកួត World Cup ជា​លើកដំបូង​ក្នុង​រយៈពេល ៦០​ឆ្នាំ​កន្លងទៅ​៕ ប្រភព ៖ bayontv