អង់គ្លេស​ឈ្នះ​អេស្ប៉ាញ​ ៣-២ បន្ត​ដង្ហើម​នៅ Nations League

ក្រុម​ជម្រើស​ជាតិ​អង់គ្លេស​​​នៅ​តែ​មាន​សង្ឃឹម​​អាច​ទៅ​វគ្គ​បន្តពាន Nations League ក្នុង​ Group4 នៃ League A ក្រោយ​យក​ឈ្នះ​អេស្ប៉ាញ​ទាំង​ប្រផិតប្រផើយ ៣​ទល់​នឹង​២ កាល​ពី​យប់​មិញ។ជា​រឿង​ដ៏​ភ្ញាក់​ផ្អើល​អង់គ្លេស​ដែល​លេង​មិន​សូវ​ឈ្នះ​អេស្ប៉ាញ​បាន​​បើក​ការ​នាំ​មុខ​មុន​ដល់​ទៅ​៣​គ្រាប់​ត្រឹម​វគ្គ​ទី​មួយ​ធ្វើ​បាន​ដោយ Raheem Sterling ២​គ្រាប់​និង Marcus Rasford ១​គ្រាប់។ យ៉ាងណាមិញ ក្នុង​វគ្គ​ទី​២ អេស្ប៉ាញ​​បាន​ព្យាយាម​វាយ​បក​វិញ​ រហូត​រក​បាន​២​គ្រាប់​ដោយ​​កីឡាករ Francisco Alcacer និង Sergio Ramos នាទី​៩០​បូក។

លទ្ធផល ៣-២ នេះ​បាន​បន្ត​ចប់​៩០​នាទី​ធ្វើ​ឲ្យ​អេស្ប៉ាញ​បន្ត​នៅ​លេខ​មួយ​មាន​៦​ពិន្ទុ ចំណែក​អង់គ្លេស​នៅ​លេខ​ពីរ​មាន​៤​ពិន្ទុ។ ក្រុម​ទាំង​ពីរ​នៅ​សល់​១​ប្រកួត​ក្នុង​ដៃ​ទៀត​ ខណៈ​ក្រូអាត​ដែល​នៅ​បាត​តារាង​មាន​១​ពិន្ទុ​សល់​២​ប្រកួត​ក្នុង​ដៃសល់​ក្ដី​សង្ឃឹម​ដូវ​គ្នា។ ជ័យជម្នះ​នេះ​គឺ​ជា​ការ​ឈ្នះ​លើក​ដំបូង​របស់​អង់គ្លេស​លើ​អេស្ប៉ាញ​ក្នុង​រយៈពេល​៣១​ឆ្នាំ​ចុងក្រោយ៕ប្រភព៖Sabay News Sport