Kane រកបាន២គ្រាប់ម្នាក់ឯងឱ្យ Spurs ឈ្នះក្រៅផ្ទះហើយឡើងចូល Top 4

ខ្សែប្រយុទ្ធអង់គ្លេស Harry Kane រកបាន២គ្រាប់ម្នាក់ឯងក្នុងនាទី២៥និង៣៤ ជួយ Tottenham ឈ្នះ២-០នៅផ្ទះ Huddersfield Town យប់ថ្ងៃសៅរ៍ទី២៩ខែកញ្ញាឆ្នាំ២០១៨ ហើយឡើងឈរលេខ៤នៅ Premier League។Huddersfield Town កំពុងនៅទ្រាប់បាតតារាង មានតែ២ពិន្ទុប៉ុណ្ណោះពី៧ប្រកួត។ ប៉ុន្តែអ្នកចាត់ការ David Wagner និយាយថាក្រុមរបស់ខ្លួននឹងចាប់ផ្ដើមឈ្នះការប្រកួត ប្រសិនពួកគេរក្សាការលេងដូចដែលពួកគេបានបង្ហាញទល់នឹង Spurs យប់មិញនេះ។យប់មិញ Kane តែតបាល់លើកដោយ Kieran Trippier ពីស្លាបស្ដាំ មុនពេលស៊ុតបាល់ពិន័យ១១ម៉ែត្រ។

ប្រកួតបន្ទាប់ Spurs ត្រូវទទួល Barcelona ក្នុងពាន Champions League នៅរាត្រីថ្ងៃពុធ ទី៣ខែតុលា រួចប៉ះ Cardiff នៅ Premier League ៣ថ្ងៃបន្ទាប់៕ប្រភព៖កីឡាដេលី