កីឡាករ Man Utd ​ត្រូវ​កាត់​​លុយ​​២៥​% ​ព្រោះ​អត់​បាន​លេង UCL ​រដូវ​កាល​ក្រោយ​

ក្រុម​កីឡាករ Manchester United ​នឹង​ត្រូវ​កាត់​ប្រាក់​ឈ្នួល​២៥​% ​បន្ទាប់​ពី​ពួកគេ​មិន​អាច​ជួយ​ក្រុម​បាន​កៅអី​លេង UEFA Champions League ​នា​រដូវ​កាល​ក្រោយ​នេះ​។ក្នុង​កិច្ច​សន្យា ​បាន​សរសេរ​យ៉ាង​ច្បាស់​ថា​ប្រសិន​បើ​កីឡាករ​មិន​អាច​ជួយ​ក្រុម​ឱ្យ​លេង​ពាន UCL ​បាន ​នោះ​ពួកគេ​នឹង​ត្រូវ​កាត់​ប្រាក់​ឈ្នួល​២៥​% ​ហើយ​កីឡាករ​មួយ​ចំនួន​ក៏​មិន​ទទួល​បាន​ប្រាក់ Bonus ​ផង​ដែរ។ តួយ៉ាង​ដូចជា Pogba ​ជា​ដើម នឹង​បាត់​ជិត​២​លាន​ផោន ​ព្រោះ​មិន​អាច​ជួយ​ក្រុម Man Utd ​ឱ្យ​បាន​លេង Champions League ​។ការ​មិន​បាន​លេង UCL ​នេះ ​ធ្វើ​ឱ្យ United ​បាត់​បង់​ប្រាក់​ប្រមាណ​ជា​៦៤​លាន​ផោន ​ទៅ​លើ​សិទ្ធិ​លក់​ផ្សាយ​តាម​ទូរទស្សន៍​។ ខណៈ​ដែល​កុងត្រា adidas ​វិញ ​ក៏​នឹង​ត្រូវ​កាត់​បន្ថយ​ដែរ ​ដោយ​អាច​កាត់​២០​លាន​ផោន ​ទៅ​លើ​កុងត្រា​៧៥០​លាន​ផោន​របស់​ពួកគេ។ ​ក្លឹប​បាន​បើក​បង្ហាញ​ច្បាស់​តែ​ម្ដង​ចំពោះ​រឿង​កាត់​បន្ថយ​ប្រាក់​ឈ្នួល​របស់​កីឡាករ​នេះ៕