Neymar ថា PSG នឹង​ឈ្នះ​ពាន Champions League នៅ​រដូវ​កាល​នេះ

Neymar មាន​ទំនុក​ចិត្ត​ Paris Saint-Germain នឹង​ឈ្នះ​ពាន​រង្វាន់ Champions League ក្នុង​ឆ្នាំ​នេះ ដោយ​សារ​តែ​មាន​ក្រុម​ដ៏​អស្ចារ្យ​និង​គ្រូ​​​មាន​ទេពកោសល្យ​លោក Thomas Tuchel។

កីឡាករ​សញ្ជាតិ​ប្រេស៊ីល​​ខកខាន​មិន​បាន​លេង​ការ​ប្រកួត​ជើង​ទី​មួយ​វគ្គ​១៦​ក្រុម​ចុងក្រោយ​ជាមួយ Manchester United កាល​ពី​ម្សិលមិញ ដោយ​សារ​កំពុង​ព្យាបាល​របួស​ជើង។ ត្បិត​តែ​អវត្តមាន​កីឡាករ​សំខាន់​២​រូប Neymar និង Edinson Cavani ក្លឹប PSG នៅ​តែ​ធ្វើ​បាន​ល្អ​យក​ឈ្នះ​ម្ចាស់​ផ្ទះ Man utd ២-០។

PSG មិន​ទាន់​ឈ្នះ​ពាន​ធំ​ណាមួយ​នៅ​ក្នុង​ទ្វីប​អឺរ៉ុប ចាប់​តាំង​ពី​មាន​ការ​វិនិយោគ​ពី​សេដ្ឋី​កាតា ប៉ុន្តែ Neymar ជឿ​ថា​​ការ​រង​ចាំ​របស់​ពួក​គេ​នឹង​បញ្ចប់​នៅ​ឆ្នាំ​នេះ។ "PSG នឹង​ក្លាយ​ជា​ជើងឯក Champions League។ PSG មិនមែន​ពឹង​លើ​តែ​ខ្ញុំ​ម្នាក់​ទេ គេ​មាន​ក្រុម​ដ៏​អស្ចារ្យ​និង​គ្រូ​មាន​សមត្ថភាព"៕ប្រភព៖ Four Four Two ប្រែ​សម្រួល៖ Sabay News Sport