ទាក់ទងរឿងនេះលោក Felix គ្រូបង្វឹកក្រុមជម្រើសជាតិកម្ពុជាបាននិយាយថា « ខ្ញុំធំដឹងក្ដីនៅអាហ្សង់ទីនក្នុងតំបន់មួយដែលមានទីលានលំបាកជាងនេះ។ សម្រាប់ខ្ញុំទីលាននេះវាល្អប្រសើរហើយ។ ប៉ុន្តែប្រសិនបើមានល្អជាងនេះទៀតក៏កាន់តែប្រសើរ »។
ទាក់ទងទីលាននេះដែរ លោក Soe Myat Min គ្រូជំនួយរបស់មីយ៉ាន់ម៉ាបានបញ្ចេញមតិថា ទីលានមានភាពលំបាកលេង។ ប៉ុន្តែមិនមែនលំបាកតែកូនក្រុមរបស់លោកទេគឺលំបាកទាំងអស់គ្នា។
សម្រាប់ពូល B នេះគឺកម្ពុជាស្ថិតនៅលេខ១ក្នុងពូល ទោះមិនទាន់ប្រកួតលើកទី៣ក៏ដោយ ពីព្រោះកម្ពុជាមាន ៦ ពិន្ទុ ស្របពេលមីយ៉ាន់ម៉ាមាន ១ ពិន្ទុ ម៉ាឡេស៊ីមាន ១ពិន្ទុ និង ឥណ្ឌូណេស៊ីមាន ២ ពិន្ទុ៕អត្ថបទ៖Sabay News Sport