Manchester United បដិសេធ​​មិន​ឲ្យ Bailly ទៅ Arsenal ដាច់​ខាត

ក្លឹប​ Manchester United បាន​បដិសេធ​ចំពោះ​សំណើ​របស់​​កាំភ្លើង​ធំ Arsenal ក្នុង​ការ​នាំ​យក​ខ្សែ​ការពារ Eric Bailly មក​កាន់​ទីក្រុង​ឡុងដ៏។Arsenal ចង់​ខ្ចី​ជើង​កីឡាករ​សញ្ជាតិ​កូឌីវ័រ​ម​ក​ជួយ​ក្រុម​រហូត​ដល់​ចប់​រដូវ​កាល​នេះ ហើយ​អាច​នឹង​ទិញ​ផ្ដាច់​​នៅ​រដូវ​ក្ដី​ខាង​មុខ។ ប៉ុន្តែ United មិន​ចង់​បាត់បង់​កីឡាករ​វ័យ​២៤​ឆ្នាំ​​នៅ​ពេល​នេះ​ឡើយ ហើយ​ក៏​មិន​ចាប់​អារម្មណ៍​អ្វី​ទាំង​អស់​។

​Bailly ត្រូវ​បាន​អតីត​អ្នក​ចាត់​ការ​របស់ Man Utd លោក Jose Mourinho ទិញ​មក​ក្នុង​តម្លៃ​៣០​លាន​ផោន កាល​ពី​ឆ្នាំ​២០១៦ ហើយ​ពេល​នេះ​សល់​កុងត្រា​១៨​ខែ​ទៀត។ បច្ចុប្បន្ន​ Bailly មិន​ស្ថិត​ក្រោម​ជម្រើស​ដំបូង​របស់​គ្រូ​បណ្ដោះអាសន្ន Ole Gunnar Solskjaer ឡើយ។ ក្នុង​ចំណោម​៧​ប្រកួត​ចាប់​តាំង​ពី Solskjaer ចូល​មក​ដឹក​នាំ​ខ្សែ​ការពារ​កណ្ដាល​រូប​នេះ​លេង​ជម្រើស​ដំបូង​បាន​១​ប្រកួត​គត់។United មាន​គំនិត​ចង់​ពង្រីក​កុងត្រា​ថ្មី​ឲ្យ Eric Bailly ២​ឆ្នាំ​ទៀត ប៉ុន្តែ​ពន្យារពេល​រងចាំ​ការ​តែងតាំង​គ្រូ​ថ្មី​ពិត​ប្រាកដ​សិន ខណៈ​កីឡាករ​ផ្ទាល់​ក៏​ចង់​បន្ត​ពង្រឹង​សមត្ថភាព​នៅ Man Utd ទៀត​ដែរ៕ ​អត្ថបទ៖ Sabay News Sport