Real ​លត់​​ក្រុម​ម្ចាស់ផ្ទះ​លើក​ពាន Fifa Club World Cup ជា​លើក​ទី​៣

អធិរាជ​ស Ral Madrid បាន​លើក​ពាន Fifa Club World Cup ជា​លើក​ទី​៣ បន្ទាប់​ពី​បំបាក់​ក្រុម​របស់​ម្ចាស់​ផ្ទះ​អារ៉ាប់រួម​ Al Ain ៤-១ ក្នុង​ការ​ប្រកួត​ផ្ដាច់​ព្រ័ត្រ​​កាល​ពី​យប់​មិញ​។​នេះ​ជា​ឆ្នាំ​​ទី​៣​ហើយ​​ ដែល​ជើង​ខ្លាំង​របស់​អេស្ប៉ាញ​ទៅ​ចូល​រួម​ប្រកួត​ពាន​រង្វាន់​ខាង​លើ​ តំណាង​ក្រុម​មក​ពី​​ទ្វីប​អ៊ឺរ៉ុប​។ ជា​លទ្ធផល​ក្រុម​អធិរាជ​ស​គ្រង​ជើង​ឯក​​៣​ឆ្នាំ​ជាប់​គ្នា​គិត​ទាំង​ឆ្នាំ​នេះ។

៤​ គ្រាប់​របស់​ Real រក​បាន​ដោយ​កីឡាករ​ L. Modrić ​នៅ​នាទី​ទី​១៤ Marcos Llorente នាទី​ទី​៦០ Sergio Ramos នាទី​ទី​៧៨ និង​គ្រាប់​បាល់​ចូល​ទី​ខ្លួន​ឯង​របស់​ក្រុម​ម្ចាស់​ផ្ទះ​​នៅ​នាទី​ទី​៩០ ១។ ចំណែក​១​គ្រាប់​របស់​ Al Ain រក​បាន​ដោយ​កីឡាករ T. Shiotani នៅ​នាទី​ទី​៨៦។

រំលឹក​ថា កាល​ពី​ឆ្នាំ​មុន​ Real Madrid យក​ឈ្នះ Grêmio របស់​ប្រេស៊ីល ១-០ ​និង​ឆ្នាំ​២០១៦ យក​ឈ្នះ​Kashima Antlers ៤-២ នៅ​ម៉ោង​​បន្ថែម ១៥ នាទី​ពីរ​ដង​ បន្ទាប់​ពី​ស្មើ​គ្នា​២-២ នៅ​ ៩០ នាទី​៕ ​​​អត្ថបទ៖Sabay News Sport