ស្រួង ភាវី​ឈ្នះ​ជើង​ឯក​ស្នូកឃ័រ​អាស៊ី​ជូនកម្ពុជា

កីឡា​ការិនី​កីឡា​ស្នូកឃ័រ​កម្ពុជា ស្រួង ភាវី​ ទទួល​បាន​ចំណាត់​ថ្នាក់​លេខ​១​ពី​ការ​ប្រកួត​ជ្រើស​រើស​ជើង​ឯក​ស្នូកឃ័រ​អាស៊ី​ដែល​ទើប​បញ្ចប់​ទៅ​កាល​ពី​ម្សិល​មិញ។

ភាវី​បាន​និយាយ​​ថា សហព័នកីឡា​ស្នូកយ័រ និង​ប៊ីយ៉ា​កម្ពុជា​បាន​ជួយ​ ហើយ​ខ្លួន​នាង​ផ្ទាល់​រីករាយ​ដែល​ប្រកួត​តំណាង​ឲ្យ​ប្រទេស​កម្ពុជា​ទាំង​ក្នុង​ និង​ក្រៅ​​ប្រទេស។ ពេល​នេះ​នាង​ពិត​ជា​សប្បាយ​រីករាយ​ណាស់​ដែល​ឈ្នះ​ជើង​ឯក​ស្នូកឃ័រ​អាស៊ី​ជូន​ប្រទេស​កម្ពុជា។

ស្រួង ភាវី បាន​អរគុណ​ដល់​សហព័ន្ធ​ និង​បង​ប្អូន​ពល​រដ្ឋ​កម្ពុជា​ដែល​បាន​គាំទ្រ​ និង​ផ្តល់​កម្លាំង​ចិត្ត​ដល់​នាង​ក្នុង​អាជីព​មួយ​នេះ​រហូត​សុបិន​ក្លាយ​ជា​ការ​ពិត។

ព្រឹត្តិការណ៍​ជើង​ឯក​ស្នូកឃ័រ​អាស៊ី​ Asian Women's 3-Cushion Billiard Championship ​រៀប​ចំ​នៅ​ទីលាន​ Olympic Parktel Olympic Hall ក្នុង​ទី​ក្រុង​សេអ៊ូល​ ប្រទេស​កួរ៉េង​ខាង​ត្បូង​។

កីឡាការិនី​កម្ពុជា​ទទួល​បាន​ចំណាត់​ថ្នាក់​លេខ​១ ខណៈ​​លេខ​២​បាន​ទៅ​កីឡា​ការិនី​កូរ៉េ​ Kim Bomi និង​លេខ​៣​ Myeong-rae។ តាម​រយៈ​លទ្ធផល​នេះ ស្រួង ភាវី ទទួល​បាន​ប្រាក់​រង្វាន់​ ២០០០​ដុល្លារ​អាមេរិក​ ខណៈ​លេខ​២​ Kim ទទួល​បាន​១ ២០០​ដុល្លារ​អាមេរិក។ ការ​ប្រកួត​នេះ​មាន​ការ​ផ្សាយ​​ផ្ទាល់​តាម​ទូរទស្សន៍ និង​បណ្តាញ​ព័ត៌មាន​មួយ​ចំនួន​ចុះ​ផ្សាយ៕អត្ថបទ៖​Sabay News Sport