Manchester City លត់ Burnley ៥-០ ឡើង​ទៅ​វគ្គ​បន្ត FA Cup

ក្លឹប​អ្នក​មាន Manchester City បាន​បន្ត​ដំណើរ​ទៅ​ជុំ​ទី​៥​នៃ​ពាន​រង្វាន់ FA Cup ក្រោយ​យក​ឈ្នះ Burnley ៥-០ កាល​ពី​យប់​មិញ។ខ្សែ​ប្រយុទ្ធ​ Gabriel Jesus ជា​អ្នក​រក​គ្រាប់​ដំបូង​ឲ្យ City នាទី​២៣​វគ្គ​ទី​មួយ។ ឈាន​ដល់​វគ្គ​ទី​ពីរ​ក្រុម​លោក Pep Guardiola មិន​បន្ធូរ​ដៃ​ឡើង​បាន​បំប៉ោង​សំណាញ់​៤​គ្រាប់​បន្ថែម​ទៀត។ គ្រាប់​ទាំង​នោះ​សម្រេច​​បាន​ដោយ​កីឡាករ Bernardo Silva, Kevin De Bruyne, Sergio Aguero និង Kevin Long របស់ Burnley ធ្វើ​ឲ្យ​ចូល​ទី​ខ្លួន​ឯង។

ក្រោយ​បញ្ចប់​ការ​ប្រកួត​លោក Sean Dyche ដែល​ជា​​អ្នក​ចាត់​ការ​របស់ Burnley បាន​សរសើរ​ពី​ទម្រង់​លេង​របស់ Man City និង​ជឿជាក់​ថា ពួក​អាច​ឈ្នះ​អ្វី​គ្រប់​យ៉ាង​នៅ​រដូវ​កាល​នេះ៕អត្ថបទ៖Sabay News Sport