ព៌តមាន 01.07.2018

Diego Maradona បាននិយាយអំពីម្ចាស់ពានរង្វាន់ Ballon d’Or ប្រាំសម័យកាល Cristiano Ronaldo ក្នុងបទសម្ភាសថ្មីមួយជាមួយការសែតរបស់អេស្ប៉ាញ Marca ។

លោកបាននិយាយថា៖ “តើ Ronaldo គឺជាតារាមួយរូបដែរឬទេ? វាហាក់ដូចជារឿងកំប្លែងណាស់ព្រោះវាច្បាស់ណាស់ថាគាត់គឺជាតារាដ៏ពិតប្រាកដគ្មានអ្វីដែលសង្ស័យចំពោះខ្ញុំទេ” ។

លោក Maradona វិរះបុរសអាហ្សង់ទីន ហើយក៏ជាបុរសម្នាក់ដែលបានជួយអាហ្សង់ទីនលើកពាន World Cup កាលពីឆ្នាំ ១៩៨៦ ក៏បាននិយាយផងដែរអំពីពាក្យចចាមអារ៉ាមដែលទាក់ទងនឹងកីឡាករ Cristiano Ronaldo ជាមួយនឹងការចាកចេញពីក្លិប Real Madrid រដូវកាលនេះផងដែរ ។

លោកបានឲ្យដឹងថា៖ “ប្រសិនបើ Ronaldo បន្តលេងនៅ Real Madrid ឬអត់ នោះវាអាស្រ័យទៅលើ Ronaldo ខ្ញុំនឹងមិនជាប់ពាក់ព័ន្ធជាមួយរឿងនេះទេ ។ Ronaldo មានមនុស្សដែលផ្តល់ដំបូន្មានដល់គាត់ និងផ្តល់ឱ្យគាត់នូវដំបូន្មានដ៏ល្អបំផុត”៕