ចាក់បាល់អនឡាញ,ភ្នាល់បាល់អនឡាញ,លេងបាល់ TH ចាក់បាល់អនឡាញ,ភ្នាល់បាល់អនឡាញ,លេងបាល់ KH ចាក់បាល់អនឡាញ,ភ្នាល់បាល់អនឡាញ,លេងបាល់ EN

ព៌តមាន 02.07.2018



ម្ចាស់​ផ្ទះ រុស្ស៊ី ទម្លាក់ អេស្ប៉ាញ​ តាម​រយៈ​ទាត់​បាល់​​កាត់​សេចក្តី​ ឡើង​វគ្គ​១/៤

ក្រុម​ខ្លាំង​​អេស្ប៉ាញ​​អស់​ឱកាស​ឡើង​វគ្គ​វគ្គ​៨​ក្រុម​ចុង​ក្រោយ​ហើយ បន្ទាប់​ពី​ចាញ់​ម្ចាស់​ផ្ទះ​រុស្ស៊ីដោយ​ការ​ទាត់​បាល់​កាត់​សេចក្តីក្នុង​លទ្ធផល ៤-៣ ក្រោយ​ប្រើ​ពេល​១២០​នាទី​ស្មើ​គ្នា​១-១។

៤៥​នាទី​ដំបូង គ្រាប់​បាល់​កើត​មាន​ឡើង​តែ​២​គ្រាប់​ក្នុងនោះ​នៅ​នាទី​ទី១២ ខ្សែ​ការពារ​រុស្ស៊ី Ignashevich បាន​ភ្លាត់​ធ្វើ​ឲ្យ​ចូល​ទី​ខ្លួន​ឯង​នៅ​ពេល​ព្យាយាម​រារាំង​ Ramos នៅ​មុខ​ទី​របស់​ខ្លួន។ បន្ទាប់​ពី​នំា​មុខ ១-០ ​អេស្ប៉ាញ​នៅ​តែ​ព្យាយាម​គ្រប់​គ្រង​​បាល់ និង​វាយ​សម្រុក​​ដដែល ប៉ុន្តែ​​របាំង​កា​​រ​ពារ​រុស្ស៊ី​​នៅ​តែ​រឹង​មាំ។

ម្ចាស់​ផ្ទះ​រុស្ស៊ី​មិន​សូវ​បាន​សម្រុក​ខ្លាំង​ឡើយ​ដោយ​ព្យាយាម​លេង​ការពារ​ ​និង​វាយ​បក​ម្តង​ម្កាល។ ការ​លេង​ទម្រង់​ការពារ វាយ​បក​ពិត​ជា​ធ្វើ​ឲ្យ​ម្ចាស់​ផ្ទះ​មាន​ផល​ល្អ​មែន។ ការ​ទទួល​បាន​បាល់​ទាត់​ចេញ​ពី​ជ្រុង​នៅ​នាទី​៤០​ចូល​ប្រអប់​គ្រោះ​ថ្នាក់​ ហើយ​បះ​ដៃ​ខ្សែ​ការពារ Gerard Pique ដែល​ធ្វើ​ឲ្យ​អាជ្ញា​​កណ្តាល​ផ្តល់​ពិន័យ​ទាត់​១១​ម៉ែត្រ។ ខ្សែ​ប្រយុទ្ធ​ Artem Dzyuba ស៊ុត​១១​ម៉ែត្រ​បាន​សម្រេច​នៅ​នាទី​ទី៤១​ដើម្បី​ជួយ​ឲ្យ​ម្ចាស់​ផ្ទះ​តាម​ស្មើ​អេស្ប៉ាញ ១-១ នៅ​វគ្គ​ទី​១។

ដោយ​​ឡែក​ការ​ប្រកួត​វគ្គ​ទី​២​​​គ្មាន​គ្រាប់​បាល់​ទម្លាយ​សំណាញ់​ទី​គ្នា​​ឡើយ​ បើ​ទោះ​ជា​អេស្ប៉ាញ​បាន​សម្រុកខ្លាំង​​ និង​គ្រប់​គ្រង​​បាល់​បាន​ច្រើន​យ៉ាង​ណា​ក៏​ដោយ ពី​ព្រោះ​មើល​ទៅ​រនាំង​ការពារ​របស់​រុស្ស៊ី​ពិត​ជា​រឹង​មាំ​ខ្លាំង។ ចំពោះ​ការ​បន្ថែម​​​១៥នាទី​២​ដងក៏​នៅ​តែមិន​អាច​រក​គ្រាប់​បាល់​ដូច​គ្នា​ដែល​ត្រូវ​ឲ្យ​ទាត់​បាល់​កាត់​សេចក្តី។ ការ​ស៊ុត​បាល់​កាត់​សេចក្តី រុស្ស៊ី​ ឈ្នះ អេស្ប៉ាញ​ ដោយ​លទ្ធផល ៤-៣៕