ព័រមាន04/08/2018

Pedro ពន្យាកិច្ចសន្យា ១ឆ្នាំទៀតលេងអោយ Chelsea

Pedro ខ្សែបម្រើស្លាបរបស់ក្រុមតោខៀវ Chelsea បានចុះហត្ថលេខាបន្តកិច្ចសន្យាលើកិច្ចព្រមព្រៀងថ្មី ១ឆ្នាំទៀត ជាមួយក្រុមមានមូលដ្ឋាននៅភាគខាងលិចទីក្រុងឡុង ដែលធ្វើអោយសុពលភាពរបស់កីឡាករអន្តរជាតិអេស្បាញរូបនេះមានរហូតដល់២០២០។ បន្ទាប់ពីផ្ទេរពីក្រុម Barcelona មកកាលពីឆ្នំា២០១៦ កីឡាករវ័យ ៣១ឆ្នាំ រូបនេះបានឈ្នះពានរង្វាន់ក្របខ័ណ្ឌ Premier League និងពានរង្វាន់ FA Cup ក្រោយចំណាយពេលកីឡាដ្ឋាន Stamford Bridge ២រដូវកាលកន្លងមកនេះ ខណៈដែលរូបគេបានសម្តែងនូវការសប្បាយរីករាយរបស់ខ្លួនដើម្បីបន្តការងារនៅជាមួយក្លឹបបន្តទៀត។
Petro បានប្រាប់អោយដឹងបន្តថាៈ ជារឿងល្អខ្ញុំពិតជាមានទំនុកចិត្តនៅទីនេះហើយសប្បាយរីករាយនៅក្នុងក្លឹបជាមួយនឹងមិត្តរួមក្រុមអ្នកគាំទ្រនិងក្លឹប។សំខាន់ណាស់សម្រាប់ខ្ញុំក្នុងការបន្តជាមួយនឹង Chelsea ខ្ញុំមានអារម្មណ៍កក់ក្ដៅនៅទីនេះហើយចង់ឈ្នះពានរង្វាន់និងពានរង្វាន់ថ្មីបន្ថែមទៀត។
 

នាយកប្រតិបត្តិក្លឹបលោក Marina Granovskaia ក៏បានសម្តែងនូវការស្វាគមន៏ក្រោយការចុះហត្ថលេខានេះបានសម្រេច ជាស្ថាពរ និងបានពោលពាក្យខាងខ្លីថាៈ យើងសប្បាយរីករាយណាស់ដែលបានPedro សម្រាប់រយៈពេលមួយឆ្នាំទៀត។

ចាប់តាំងពីបានក្លាយជាកីឡាកររបស់ Chelsea គាត់បានបង្ហាញពីគុណភាពរបស់គាត់ជាទៀងទាត់នៅលើទីលានហើយយើងទន្ទឹងរង់ចាំមើលគាត់បន្តទម្រង់លេងរីកចម្រើនក្រោមការដឹកនាំរបស់គ្រូបង្វឹកថ្មីលោក Maurizio Sarri ។