ព័រមាន05/08/2018

Mateo Kovacic: ខ្ញុំមិនចូលចិត្តទម្រង់លេងក្រោមការដឹកនាំរបស់លោក Jose Mourinho នោះទេ

អ្នកចាត់ការទូទៅក្រុម Man.United លោក Jose Mourinho កំពុងតែប្រឈមមុខនឹងបញ្ហាឈឺក្បាល និងជារឿងខកចិត្តមួយបន្ថែមទៀតនៅក្នុងទីផ្សារផ្ទេរកីឡាករដែលរូបលោកចង់បានគឺ ខ្សែបម្រើ-ស្លាបរបស់ក្លិប Real Madrid កីឡាករ Mateo Kovacic ដែលកំពុងបដិសេធសំណើរផ្លាស់ប្តូរនៅរដូវក្តៅនេះមកលេងនៅ កីឡាដ្ឋាន Old Trafford របស់ក្រុម Manchester United។

យោងការចុះផ្សាយរបស់ កាសែតអេស្ប៉ាញ Marca បានអោយដឹងថាៈ កីឡាករអន្តរជាតិក្រូអាតរូបនេះ មានចេតនា ចង់ចាកចេញពីកីឡាដ្ឋាន Santiaggo Bernabeu ជាយូរមកហើយ ដោយសារតែមិនមាន ឱកាសជាប់ជាជម្រើស ១១នាក់ដំបូងកំលុងការដឹកនាំរបស់អតីតគ្រូបង្វឹក Zinidine Zidane បានទៀងទាត់ ប៉ុន្តែគាត់នឹងជ្រើសរើសការបន្តលេងអោយក្រុមទៀត ហើយមិនចាប់អារម្មណ៏ក្នុងការចង់បានទៅរួមក្រុមក្រោមបច្ចេកទេសដឹកនាំរបស់គ្រូបង្វឹកលោក Jose Mourinho នោះទេ។ ក្រោយពីក្រុម Man United បានរៀបចំសំណើរ ជាទឹកប្រាក់ប្រមាណ ៦០ លានយូរ៉ូ (ស្មើនឹង ៥៤ លានផោន) សម្រាប់ Kovacic ប៉ុន្តែក្រុមម្ចាស់ជើងឯកកំពូលទ្វីបអឺរ៉ុប Real Madrid មួយនេះបានឆ្លើយតបថា មិនគួរណាខ្ជះខ្ជាយពេលវេលាក្នុងការបញ្ចុះបញ្ចូលខណៈ សាមីខ្លួន(Kovacic) គ្មានចំណាប់អារម្មណ៍ និងយល់ថាបច្ចេកទេស និងទម្រង់លេងរបស់គេមិនសក្តិសមលេងក្រោមការដឹកនាំរបស់លោក Mourinho ទេ។
 

Kovacic វ័យ ២៤ឆ្នាំមិនមានបញ្ហាផ្ទាល់ខ្លួនជាមួយលោក Mourinho នោះទេ ប៉ុន្តែអតីតកីឡាករក្រុម Inter Milan រូបនេះ ជឿថា ប្រព័ន្ធទម្រង់លេងរបស់គេនិនងរីកចំរើនឡើង ក្នុងរយៈពេលពីរឆ្នាំខាងមុខនេះជាមួយក្រុម ខណៈក្រុម Bayern Munich អាចជាជម្រើសល្អជាងនៅអង់គ្លេស។

Man.United បានវិនិយោគទឹកប្រាក់ទិញកីឡាករជាច្រើនក្នុងរយៈពេល ៨ខែដើមឆ្នាំជាក់ស្តែងដូចជាការនាំយកខ្សែបម្រើ Alexis Sanchez និងខ្សែបម្រើ Fred ព្រមទាំងខ្សែការពារ Dalot កន្លងទៅ ប៉ុន្តែក្រុមនៅមិនទាន់បានបង្ហាញទម្រង់លេងបានល្អតាមអ្វីដែលលោក Jose Mourinho ចង់បាននោះទេ។ អ្នកចាត់ការទូទៅវ័យ ៥៤ឆ្នាំរូបនេះចង់បានកីឡាករមួយចំនួនទៀតមកពង្រឹងក្រុម មុនពេលទីផ្សារដោះដូរកីឡាករនិងបិទនៅថ្ងៃទី៩ សីហា ២០១៨ នេះផងដែរ។