ព័រមាន07/08/2018

លោក Pep Guadiola ឈ្នះពាន២៤ រយៈពេល ១០ឆ្នាំក្នុងនាមគ្រូបង្វឹក

គ្រូបង្វឹក Pep Guardiola មានសុទិដ្ឋិនិយមបំផុត ខណៈដែលត្រឹមតែ ១ទសវត្សក្នុងនាមជាអ្នកចាត់ការទូទៅធ្លាប់ដឹកនាំក្រុមធំៗកំពូល៣ លើពិភពលោកនិង ៣ស្ថាប័នផ្សេងគ្នា ជាមួយនិងការជោគជ័យបំផុតដោយការឈ្នះពានរង្វាន់សរុបចំនួន២៤។

បន្ទាប់ពីផ្តួលក្រុម តោខៀវ Chelseaដើម្បីលើកពាន Community Shield បើករដូវកាលកំពូលអង់គ្លស(២០១៨-២០១៩) លោក Guadiola បានបង្កើតកំនត់ត្រាថ្មីបន្ថែមទៀតក្នុងនាមជាអ្នកចាត់ការទូទៅដែលជោគជ័យបំផុតនាពេលបច្ចុប្បន្ន។ ៤រដូវកាលនៅកីឡាដ្ឋាន Cam Nou របស់ក្រុមBarcelona គ្រូបង្វឹកវ័យ ៤៧ឆ្នាំរូបនេះបានឈ្នះជើងឯកចំនួន១៤ : ពានរង្វាន់ក្របខណ្ឌកំពូលអេស្បាញ LaLiga ៣ដង, Spanish Cup ពីរដង, Spainish Super Cup 3ដង, ពានរង្វាន់ក្របខ័ណ្ឌកំពូលអ៊ឺរ៉ុបពីរដង និងពាន Club World Cups ២ដងផងដែរ។ ក្រោយផ្ទេរមកកាន់ក្លឹបយក្ស Bayern Munich លោក Guadiola បានដឹកនាំ ៣រដូវកាល(២០១៣-២០១៦) លោក Guadiola បានឈ្នះពាន ៧បន្ថែមទៀតដូចជាៈ ពានក្របខណ្ឌកំពូលអាឡឺម៉ង់ Bundesliga ៣ German Cup ២, European Super Cup ១ និង Club World Cup ១។

ក្រោយផ្ទេរមកកាន់ក្លឹប Manchester រដូវកាលដំបូង(២០១៦-២០១៧) លោក Guadiola មិនបានឈ្នះពានរង្វាន់អ្វីទាល់ តែសោះសម្រាប់ក្រុម ប៉ុន្តែរដូវកាលចាស់(២០១៧-២០១៨) គាត់បានដឹកនាំក្រុមលើកពាន Premier League ជាលើកទី៣ ក្នុងប្រវត្តិសាស្រ្ត ក្រុម Man.City និងពាន EFL Cup រឺ Carabao Cup ២រួចជាស្រេច មុនពេលបន្ថែមពាន Community Shield សរុបទៅគឺ ២៤ពានហើយ។
ដូច្នេះប្រិយមិត្តក្រុម Man.City បានបង្វែចក្ខុសម្លឹង និងទន្ទឹងរង់ចាំការឈ្នះពានលីកកំពូលអឺរ៉ុបគឺក្របខណ្ឌ Champions League ដែលលោក Guadiola ខកខានលើកពាននេះគិតចាប់តាំងពីឆ្នាំ២០១១ មកស្របពេលដែលក្រុម Manchester City ធ្លាប់ឈ្នះពាន រង្វាន់កំពូលទ្វីបអឺរ៉ុបនេះពីមុនមានឈ្មោះថា European Cup នេះតែម្តងគត់គឺនៅរដូវកាល១៩៦៩-១៩៧០។