ព័រមាន08/08/2018

Man.United បដិសេធសំណើរទិញ Pogba បូករួមកីឡាករ ២រូបទៀតពីក្រុម Barcelona

យោងតាមគេហទំព័រ Sky នៅប្រទេសអ៊ីតាលីបានឱ្យដឹងថា: ក្រុមបិសាចក្រហម Manchester United បានច្រានចោលសំណើទឹកប្រាក់ ៤៥លានផោន ពីក្លិប Barcelona បូករួមកីឡាករខ្សែ Yierry Mina និងខ្សែបម្រើ Andre Gomes សម្រាប់កីឡាករ Paul Pogba ។ព័ត៌មាននេះត្រូវបានលេចឡើងក្រោយពី ភ្នាក់ងាររបស់កីឡាករ លោក Mino Raiola បានធ្វើដំណើរទៅកាន់ទីក្រុង Manchester ក្នុងគោលបំណងពន្លឿនឱ្យមានការផ្ទេរទៅកាន់ក្រុមម្ចាស់ជើងឯកអេស្ប៉ាញសម្រាប់ខ្សែបម្រើបារាំងកីឡាករ Pogba។

Pogba ដែលទើបតែត្រលប់ចូលហ្វឹកហាត់ជាមួយក្រុមក្រោយពីជួយជម្រើសជាតិបារាំងឈ្នះការប្រកួត World Cup ២០១៨ ស្របពេលកីឡាករវ័យ ២៥ឆ្នាំរូបនេះបានចុះកុងត្រាជាមួយក្លឹប Man U នៅឆ្នាំ២០១៦ សម្រាប់កំណត់ត្រា ថ្លៃបំផុតក្នុងពិភពបាល់ទាត់នាពេលនោះគឺប្រមាណ ៩៣,២៥លានផោនខណៈដែលកិច្ចសន្យាបច្ចុប្បន្ននៅសល់ ៣ឆ្នាំទៀតជាមួយក្រុម។
 

បើទោះបីជា Man United មានបំណងចង់លក់ Pogba ក៏ការផុតកំណត់នៃឪសានវាទផ្ទេរកីឡាករនៅក្របខណ្ឌ Premier League កាន់តែកៀកខិតចូលមកដល់ពោល គឺនៅថ្ងៃព្រហស្បតិ៍ដូច្នេះក្រុមទាំងពីរនៅសល់ រយៈពេលពីរថ្ងៃទៀតប៉ុណ្ណោះដើម្បីជាការដោះដូរគ្នា ខណៈទីផ្សារដោះដូរកីឡាករនៅក្របខណ្ឌកំពូលអេស្បាញមានដល់ថ្ងៃទី៣១ ខែសីហា ២០១៨ មានន័យថា Barcelona មានរហូតដល់ចុងខែនេះ ដូច្នេះមានន័យថាឪកាសនៃការផ្ទេរ Pogba សម្រាប់ Barcelona នៅតែមាន។

ក្រុម Man.United ក៏បានបង្ហាញចំណាប់អារម្មណ៏ និងចង់បានកីឡាករខ្សែការពារកណ្តាលមកពង្រឹងក្រុម ខណៈកីឡាករ Mina ខ្សែការពារអន្តរជាតិកូឡុំប៊ីវ័យ ២៣ឆ្នាំនិងខ្សែការពារអង់គ្លេស Harry Mcguire របស់ក្រុម Leicester បានស្ថិតនៅក្នុងបញ្ជីទិញមករួមក្រុមមុនបើករដូវកាលថ្មី(២០១៨-២០១៩)ផងដែរនោះ ។