ព័រមាន09/08/2018

Leicester ត្រៀមលក់ខ្សែការពារ Maguire ទៅ Man.United ក្នុងតម្លៃសមរម្យមុនពេលទីផ្សារដោះដូរបិទ

យោងតាមរបាយការណ៍បានឱ្យដឹងថា Leicester City កំពុងត្រៀមលក់ Harry Maguire ទៅកាន់ក្រុម Manchester United ដើម្បីយកប្រាក់ចុះហត្ថលេខាលើខ្សែបម្រើ-ការពារកណ្តាលពីរនាក់មកជំនួសវិញ។ កីឡាករក្រុមជម្រើសជាតិ អង់គ្លេសរូបនេះគឺជាកីឡាករសំខាន់នៅក្នុងបញ្ជីចុះហត្ថលេខា ក្នុងនាមជាអ្នកចាត់ការរបស់លោក Jose Mourinho ដើម្បីពង្រឹងតំបន់ការពារសម្រាប់ក្រុមមុនពេលយុទ្ធនាការរដូវកាលថ្មីចាប់ផ្តើម។ ប៉ុន្តែក្លិប Man United មិនចង់ចំណាយប្រាក់អោយ Leicester សម្រាប់តម្លៃខ្លួន Maguire រហូតដល់ ៧៥លានផោន ខណៈវេលាដោះដូរកីឡាករកាន់តែខិតឈានជិតចូលមកដល់ហើយ នឹងបញ្ចប់នៅល្ងាចថ្ងៃព្រហស្បតិ៍នេះ។

យោងការចុះផ្សាយរបស់កាសែត The Times បានឱ្យដឹងថាក្រុម Leicester កំពុងត្រៀមទទួលនៅការ ដេញថ្លៃចុងក្រោយពីក្លឹប Man United និងបានត្រៀមលក្ខណៈរួចជាស្រេចជាមួយកិច្ច ព្រមព្រៀងនៅទឹកប្រាក់ត្រឹមតែពាក់កណ្តាលមានន័យថាមានចំនួនត្រឹមតែ ៣៣,៥ លានផោនសម្រាប់ការផ្ទេរ Maguire។ ក្រុមកញ្ជ្រោងខៀវចង់បានប្រាក់ពីការលក់ Maguire ដើម្បីនាំយកកីឡាករ២រូបមកជំនួសវិញគឺ ១.កីឡាករវ័យក្មេងខ្សែការពារសញ្ជាតិតួគី Caglar Soyuncu របស់ក្រុម Frieburg ខណៈដែលក្រុម Arsenal ក៏ចង់បានរូបគេនៅរដូវក្តៅនេះនិងខ្សែការពារកណ្តាលវ័យ ២១ឆ្នាំរបស់កីឡាករ Dynamo Zagreb កីឡាករ Filip Benkovic ។