ព័រមាន24/08/2018

Son កោតសរសើរចំពោះការជឿជាក់ ខណៈកូរ៉េខាងត្បូង ឈានទៅវគ្គ១/៤

ខ្សែប្រយុទ្ធ Son Heung-min បានបញ្ជាក់ថា ក្រុមបាល់ទាត់ជម្រើសជាតិកូរ៉េខាងត្បូង «មានការជឿជាក់» ច្រើនជាងក្រុមជម្រើសជាតិអ៊ីរ៉ង់ ខណៈដែលពួកគេបានឈានទៅវគ្គ ៨ក្រុមចុងក្រោយនៃព្រឹត្តិការណ៍ Asian Games ដោយសុវត្ថិភាព ខណៈ Son បានខិតកាន់តែកៀកក្នុងការឈ្នះមេដាយមាស ដែលនឹងធ្វើឲ្យរូបគេរួចផុតពីការបំពេញការតព្វកិច្ចយោធា។

Son បានធ្វើជាប្រធានក្រុមនៃក្រុមម្ចាស់ការតំណែងជើងឯកមួយនេះ ក្នុងពេលពួកគេដណ្តើមបានជ័យជម្នះក្នុងលទ្ធផល ២-០ ក្នុងការប្រកួតនៅ Cikarang ក្បែរដ្ឋធានីហ្សាការតា ដើម្បីធ្វើដំណើរទៅកាន់ការប្រកួតដ៏ស្វិតស្វាញមួយទៀតជាមួយនឹងក្រុមជម្រើសជាតិអ៊ូសបេគីស្ថាន។ ការមិនអាចដណ្តើមបានមេដាយមាសក្នុងព្រឹត្តិការណ៍កីឡាស៊ីមួយនេះ នឹងមិនគ្រប់គ្រាន់ក្នុងការធ្វើឲ្យខ្សែប្រយុទ្ធ Son វ័យ ២៦ឆ្នាំរបស់ក្លិប Tottenham Hotspur រួចផុតពីការបំពេញការតព្វកិច្ចយោធារយៈពេល ២១ខែ ដែលអាចនឹងធ្វើឲ្យប៉ះពាល់ដល់អាជីពរបស់គេឡើយ។
Son ដែលជាតារាឆ្នើមរបស់អាស៊ី ក្នុងក្របខ័ណ្ឌ Premier League បានទទួលស្គាល់ថា ក្រុមរបស់គេបានធ្លាក់ចូលក្នុងសម្ពាធនៃការប្រកួតវគ្គ១៦ក្រុមចុងក្រោយ ប៉ុន្តែ បានបញ្ជាក់ថា រូបគេពិតជាមានមោទនណាស់ចំពោះមិត្តរួមក្រុមរបស់គេ។ ខ្សែប្រយុទ្ធរូបនេះបានឲ្យដឹងថា៖ «ខ្ញុំគិតថា យើងគឺជាក្រុមខ្លាំង ប៉ុន្តែ អ៊ីរ៉ង់ ក៏ជាក្រុមខ្លាំងមួយផងដែរ។ វាពិតជាសំខាន់ណាស់ក្នុងការមានភាពខ្លាំងផ្នែកស្មារតី។ សម្ពាធពិតជាមានក្នុងក្រុម ប៉ុន្តែ ខ្ញុំគិតថា យើងមានការជឿជាក់ខ្លាំងជាងអ៊ីរ៉ង់»៕