TH
KH
EN
មកដឹងលក្ខខណ្ឌចាប់ក្រុមនៅ Europa League ក្រោយចប់ពូលយប់មិញ
UEFA Europa League បានបញ្ចប់ការប្រកួតវគ្គសន្សំពិន្ទុតាមពូលត្រឹមយប់មិញក្នុងនោះក្រុមចំនួន២៤ត្រូវរកឃើញឡើងទៅវគ្គបន្ត។
ក្រោយប្រកួតយ៉ាងតានតឹងអស់រយៈពេលជាច្រើនខែ ទីបំផុតគេបានរកឃើញក្រុមលេខ១ និងលេខ២ នៃពូលនីមួយៗពី A ដល់ L សរុប២៤ក្រុម។ ក្រុមលេខ៣មកពី Champions League ចំនួន៨ក្រុមនឹងធ្លាក់មកលេខពាន Europa ដើម្បីបង្គ្រប់៣២ក្រុម។
៨ក្រុមមកពី Champions League មានដូចជា Inter Milan, Napoli, Galatasaray, Benfica, Shakhtar Donetsk, Viktoria Plzeň និងValencia។
ចំពោះក្រុមលេខមួយនៃពូលនីមួយៗនៃពាន Europa League មាន Bayer Leverkusen, Red Bull Salzburg, Zenit Saint Petersburg, Dinamo Zagreb, Arsenal, Real Betis, Villarreal, Eintracht Frankfurt, Genk, Sevilla, Dynamo Kyiv និង Chelsea។
ក្រុមលេខពីរមាន BATE Borisov, Rennes, Krasnodar, Malmö FF, Lazio, Rapid Wien, Olympiacos, Sporting CP, Fenerbahçe, Slavia Prague, Celtic និង Zürich។
ការចាប់ឆ្នោតនឹងធ្វើឡើងនៅទីស្នាក់ការសហព័ន្ធបាល់ទាត់ទ្វីបអឺរ៉ុបស្ថិតនៅទីក្រុង Nyon ប្រទេសស្វីស ថ្ងៃច័ន្ទ ទី១៧ ខែធ្នូ ឆ្នាំ២០១៨។ នៅវគ្គ៣២ក្រុមនេះ ក្រុមដែលមកពីប្រទេសដូចគ្នា ឬក្រុមមកពីពូលតែមួយនៅ Europa League នឹងមិនប៉ះគ្នានោះទេ៕
