Isco និយាយ​ពី​អនាគត​របស់​ខ្លួន​នៅ Real Madrid

ខ្សែ​បម្រើ​ក្លឹប​ Real Madrid កីឡាករ​ Isco បាន​លើក​ឡើង​កាល​ពី​ពេល​ថ្មី​ៗ​នេះ​ថា​ ខ្លួន​មិន​មាន​បំណង​ចាក​ចេញ​ពី​ក្លឹប​អធិរាជ​ស​ ទោះ​ជា​មិន​សូវ​បាន​លេង​ក្រោម​ការ​ដឹកនាំ​របស់​លោក Solari។

Isco បាន​និយាយ​ថា​៖ " ខ្ញុំ​មិន​បាន​គិត​ពី​ការ​ចាកចេញ​នៅ​ទីផ្សារ​រដូវ​រងា​នេះ​ទេ ខ្ញុំ​កំពុង​តែ​សប្បាយ​ចិត្ត​ ហើយ​គោលបំណង​របស់​ខ្ញុំ​គឺ​ឈ្នះ​ពាន​កាន់​តែ​ច្រើន​ជាមួយ​ក្លឹប​ Real Madrid '' ។

ក្នុង​រដូវ​កាល ២០១៨/១៩​នេះ ខ្សែ​បម្រើ​អេស្ប៉ាញ​រូប​នេះ បាន​បង្ហាញ​ខ្លួន ១៨ដង​ និង​ រក​គ្រាប់​បាល់​បាន ៤​គ្រាប់​ក្នុង​គ្រប់​កម្មវិធី​របស់​ក្លឹប​ Real Madrid។

កីឡាករ​រូប​នេះ​ដែរ​ ក៏​ត្រូវ​បាន​ចាប់​អារម្មណ៍​ពី​សំណាក់​ក្លឹប​យក្ស​បារាំង​ Paris Saint-Germain កាល​ពី​ពេល​កន្លង​ទៅ​៕

ប្រភព៖ Goal   ប្រែ​សម្រួល៖ ហ៊ីម រស្មី